АСПАРАГИН КИСЛОТАСЫ
АСПАРАГИН КИСЛОТАСЫ, HOOCCH2CH(NH2)COOH ‒ түссүз кристалл, молекулалык масса 133,1; балкып эрүү t 300 °C, сууда начар эрийт, органикалык эриткичтерде эрибейт. А. к. организмде кайра аминдөөдө, мочевина, пиримидин негиздеринин биосинтезинде чоӊ мааниге ээ. Көпчүлүк организмдерде эркин түрүндө жана белок курамында кездешет. Анын анализи жана бөлүп алуу жолдору Са жана Ва туздарынын эрибестигине негизделген. Ал пептиддерди синтездөөдө, башка амин кислоталар менен бирге тамак-ашта колдонулат.