АРЧАЛЫ суусу

АРЧАЛЫ – Ички Теңир-Тоодогу суу, Кичи Нарын суусунун сол куймасы. Нарын районунун аймагында. Узундугу 47 км, алабынын аянты 376 км². Жетим кырка тоосунун түндүк капталындагы аты окшош мөңгүдөн агып чыгып, кууш капчыгай аркылуу шар агат. 15тен ашык куймасы бар. Ирилери: Төлөк, Күрмөнтү, Кызыл-Киндик, Шор-Төр, Эгиз-Төр, Кара-Төр (сол), Борду, Туюк, Кызыл-Суу, Өрттөнгөн-Төр, Тоюн (оң). Алабында жалпы аянты 57,2 км² келген 56 мөңгү бар. Жылдык орточо чыгымы 4,1 м³/сек, Май-июнда кирип, сентябрда тартыла баштайт.