АРЧА-КОНУШ МӨҢГҮСҮ

АРЧА-КОНУШ МӨҢГҮСҮ – Алай кырка тоосуна Коллектор кырка тоосу тутумдашкан жердеги татаал өрөөн тибиндеги мөңгү. Исфайрам-Сай суусунун алабынан орун алган. Узундугу 6,1 км, аянты 5,4 км², көлөмү 0,40 км². Мөңгүнүн башы деңиз деңгээлинен 4900 м, этеги 4000 м бийиктикте жатат. Кар чегинин бийиктиги 4500 м. Абляциясынын аянты 2,8 км². Мөңгү тартылууда. Мөңгүдөн Сүрмө-Таш суусунун (Исфайрам-Сайдын сол курамы) жогорку агымы – Арча-Конуш башталат.