АРГИШТИ I

– Урарту мамлекетинин падышасы (б. з. ч. 8-к-дын 1-жарымы), Мену анын уулу.

А. 1нин аскага чектирип жаздырган бир нече жазма даректери азыркы мезгилге чейин жеткен (мис., Ассириядагы ж-а Ван көлүнүн жээгиндеги зоокадагы шынаа сымал жазуулар). А. тууралуу ассириялык жазма даректерде да эскерилет. Анын мезгилинде Урарту Ж. Чыгыштагы күч-кубаттуу мамлекетке айланган. Армениядагы Эребуни (азыркы Ереван ш-нын жанында) ж-а Аргиштихинили чептери А. 1нин убагында курулган.