АРАКЕТ белгиси
АРАКЕТ у к у к т а – коомго коркунучтуу кылмыштын объективдүү белгилеринин бири. Кылмыштын объективдүү жагы эки түрдө болот: коомго коркунучтуу Аракет жана коомго коркунучтуу Аракетсиздик. Коомго коркунучтуу Аракет адамдын активдүү, өз эрки жана аң-сезимдүү аракетинен келип чыгат жана алар үч түргө бөлүнөт: 1) күч колдонуу аркылуу, мисалы, киши өлтүрүү зордуктоо; террордук ж. б.; 2) жазуу түрүндө, мисалы, кызматтык жасалма, жалган документтерди жасоо ж. б.; 3) сөз түрүндөгүсү. Адамдар тарабынан айтылган сөз кылмыштын объективдүү жагын камтыйт, мисалы, ушактоо, мазактоо. Коомго коркунучтуу аракет адамдын жүрүм-турумунун бир эле кыймылын же ушундай эле кыймылынын бир нечесин камтыйт, к. Аракетсиздик.
К. Бодобоев, К. Курманов.