АПОСТЕРИБРИ ЖАНА АПРИБРИ
АПОСТЕРИОРИ ЖАНА АПРИОРИ (лат. аposteriori – кийинкиден, a priori – мурункудан) – апостериори тажрыйбадан чыккан, априори – тажрыйбадан мурунку жана ага көз каранды эмес билим. Апостериори жана Aприорини карама-каршы коюу жаңы мезгилдеги рационализмде ырааттуу туюнтулган, ал тажрыйбалык жол менен алынган кокус акыйкаттан олуттуу айырмаланган эң жалпы жана зарыл акыйкаттан келип чыккан. Апостериорилик таанып-билүүнүн талдоосу И. Канттын системасында чоң орун ээлеген. И. Канттын философиясында априори коомдук тажрыйбадан чыккан билимге карама-каршы келип, ал тажрыйбага чейин эле пайда болгон деп көрсөтүлөт. Ал туюу, сезүүнүн жардамы менен алынган билимди жалган деп эсептеген.
Г. Т. Ботоканова.