АНТРЕПРЕНЁР

АНТРЕПРЕНЁР (французча entrepreneur – ишкер) - жеке менчик оюн-зоок мекемесинин (театр, цирк жана башкалар) ээси. Антрепренер профессионал өнөрчүлөр топтору жаралганда кошо пайда болгон (XVI кылым). Коммерциялык пайдага кызыккан антрепренердон башка театр менен чыгармачылык байланышы бар антрепренер да болгон. Андай антрепренердун милдетин көбүнчө башкы актёр, драматург же режиссёр аткарган. Азыр көп өлкөлөрдө мамлекеттик театр менен катар антреприза деп аталган менчик театрлар да пайда болууда.