АНТАРКТИКАЛЫК КЛИМАТ

АНТАРКТИКАЛЫК КЛИМАТ – Антарктиданын жана аны чулгаган океан мейкиндиктеринин климаты. Материктин климаты өтө катаалдыгы (кышында абанын температурасы –60...–70°Сден төмөн болуп, жылына 100 ммден аз жаан-чачын жаайт), аба ырайында антициклондук режимдин үстөмдүк кылышы менен өзгөчөлөнөт. Жээктеринде жайкы температуpa 0°Сге чейин жетет. Океан мейкиндигинде атмосфералык басым өтө өзгөрүлмөлүү келип, ургаалдуу циклондук аба агымдары жаан-чачын жана катуу шамалдарды пайда кылат.