АНАФОРА

АНАФОРА, (гр. anahora, сөзмө сөз – кайталоо) – бир эле элементтин кайра-кайра кайталанышына негизделген стилистикалык каражат. Тыбыштык анафора бир эле тыбыштын кайталануусу, строфалык (куплеттик) анафора болсо ар бир строфанын (куплеттин) башкы тыбышы же морфемасы, сөзү же сабы кайталанып түзүлөт. Анафора поэзияда гана эмес, прозада да, өзгөчө жорго сөздө арбын учурайт.