АЛМАЛУУ кыштагы

АЛМАЛУУ ‒ Чүй обл-нун Ысык-Ата р-ндагы кыштак. Ысык-Ата айыл аймагынын борбору. Райондун борбору жана темир жол бекети Кант ш-нан 34 км түш. тарапта жайгашкан. 1931-ж. отурукташкан. Деӊиз деӊг. 1600 м бийиктикте жайгашкан. Калкы 1442 (2009); негизинен мал чарбасында жана жашылчачылыкта эмгектенет. Орто мектеп, үй-бүлөлүк дарыгерлер тобу, бала бакча, 2 ашкана бар. Улуу Ата Мекендик согушта курман болгондорго эстелик тургузулган.