АЛИМБАЕВ Пахридин
АЛИМБАЕВ Пахридин (1892, Ош облусу, Ноокат району, Ак-Булак кыштак ‒ 1983, ошол эле район, Караван кыштагы) ‒ тамеки өстүрүүчү, Социалисттик Эмгектин Баатыры (1950). Эмгек жолун 1931-жылы катардагы колхозчу болуп иштөөдөн баштаган. Улуу Ата Мекендик согушка катышкан. 1946-жылы Ош облусунун Ноокат районундагы «Кызыл-Кыя» совхозунда тамеки өстүрүүчү бригадада иштеп, кийин звеного жетекчилик кылган. 1949-жылы ал башкарган звено 3,4 га тамекинин ар гектарынан 18,8 ц түшүм алган. 1951‒55-жылдары Кыргыз ССР Жогорку Советинин депутаты. Ленин ордени менен сыйланган.
