АЛИАХУНОВ Абдукадыр
АЛИАХУНОВ Абдукадыр (1902, Ош облусу, Кара-Суу району, Дыйкан айылы ‒ 1972, ошол эле жерде) ‒ пахтачы, Социалисттик Эмгектин Баатыры (1950). Совет бийлигин орнотууга жана чыӊдоого активдүү катышкан. 1922‒29-жылдары партиялык, советтик жана чарбалык жетекчи кызматтарда иштеген. 1949-жылы Кара-Суу
районундагы «Кызыл-Шарк» колхозуна мүчө болуп кирип, 1950-жылдан колхоздун пахтачылык звеносун башкарган. Ал жетектеген звено 1950-жылы ар бир га жердеги пахтадан 72,85 цден түшүм жыйнаган. Ленин ордени менен сыйланган.