АЛИАХУНОВ Абдукадыр
АЛИАХУНОВ Абдукадыр (1902, Ош обл., Кара-Суу р-ну, Дыйкан айылы ‒ 1972, ошол эле жерде) ‒ пахтачы, Соц. Эмг. Баатыры (1950). Совет бийлигин орнотууга ж-а чыӊдоого активдүү катышкан. 1922‒29-ж. парт., сов. ж-а чарбалык жетекчи кызматтарда иштеген. 1949-ж. Кара-Суу
р-нундагы «Кызыл-Шарк» колхозуна мүчө болуп кирип, 1950-жылдан колхоздун пахтачылык звеносун башкарган. Ал жетектеген звено 1950-ж. ар бир га жердеги пахтадан 72,85 цден түшүм жыйнаган. Ленин ордени м-н сыйланган.