АЛЕКСИЙ II
АЛЕКСИЙ II, Р и д и г е р А л е к с е й М и х а й л о в и ч (23. 2. 1929, Таллин ш. ‒ 5. 12. 2008, Москва) ‒ Москва жана Бүткүл орус патриархы (1990-жылдан).
1964‒68-жылдарда Таллин, Эстон архиепископу, Москва патриархатынын иш башкаруучусу, Ыйык синоддун туруктуу мүчөсү. 1968‒88-жылдары Таллин жана Эстон, 1988‒90-жылдары Ленинград жана Новгород митрополити болгон. Бүткүл дүйнөлүк христиандык чиркөөлөрдү бириктирүү боюнча экуменисттик кыймылдын көрүнүктүү ишмерлеринин бири. 1964‒87-жылдары европалык чиркөөлөр Конференциясынын президенти (1987-жылдан анын Президиумунун төрагасы). Россия билим берүү академиясынын академиги (1993).