АЛА БАТА

АЛА БАТА (Atriplex) ‒ шакардуулар тукумундагы чөп же бадал сымал өсүмдүк. Бир же эки жылдык отоо чөп. Жалбырагы кезектешип жайгашат. Топ гүлү ‒ машак, бир жыныстуу, аталык гүлү 5 муунактуу, энелик гүлүнүн көбү жан жалбыракчасыз. Мөмөсү бир уруктуу. Мелүүн жана субтропик алкактарында 200, Кыргызстанда 11 түрү (айрыкча татар Ала батасы) өсөт. Бутактуу ала бата, ачык түстүү ала бата айдоо жерде, короо-жай, жол боюнда, татар ала батасы шор жерде, пахта талаасында өсөт. Шор топурактуу чөл жана жарым чөлдө бадал жана бадал сымал ак ала бата кезигет. Аны кой, уй, айрыкча төө жакшы оттойт.