АКВАРИУМ БАЛЫКТАРЫ
АКВАРИУМ БАЛЫКТАРЫ – кооздук жана изилдөө максатында суу толтурулган атайын айнек идиште (аквариумда) багылуучу майда балыктар. А. б‑нын дене уз. 1,5‑30 см. Көпчүлүгү майда, түркүн түстүү, кооз. А. б. Африка, Америка, Азияда, тропик жана субтропик жылуу, шор эмес сууларда кездешет. Алардын каңылтыр, алабуга сымал урук таштоочулары жана тирүүлөй туучу түрлөрү бар. Бул балыктарды багуудагы байкоолор ген., биохим. жана бионикалык изилдөөлөр үчүн чоң мааниге ээ.