АК-СУУ кыштагы

АК-СУУ (1974-ж. чейин З а м б о р у ч ) ‒ Баткен облусунун Лейлек районундагы кыштак. Ак-Суу айыл өкмөтүнө караштуу. Ак-Суу суусунун боюнда, деӊиз деӊгээлинен 956 м бийиктикте жайгашкан. Райондун борбору Исфана шаарынан 26 км түштүк-батыш тарапта. Пролетарск темир жол бекетинен (Тажикстан) 70 км. Калкы 2628 (2009); негизинен дыйканчылыкта эмгектенет. Орто мектеп, китепкана, маданият үйү, ФАП бар.