АК-КУЙРУК СУУ БҮРКҮТҮ
АК КУЙРУК СУУ БҮРКҮТ (Haliautus albicilla) – суу бүркүттөр тукумундагы ири куш. Кара күрөң түстө, куйругу ак, тумшугу, көзү, буттары сары. Ал Чүй өрөөнүндө ж‑а Ысык‑Көл ойдуңдарында чанда жолугат. Бул түр ноябрдан апрелге чейин Ысык‑Көлдө кыштайт. Алар негизинен балык, кээде ондатр, өрдөк, каз м‑н азыктанат. Көлдөгү балыктардын азайышына байланыштуу бул түр азаюуда. Кыргызстандын Кызыл китебине катталган.