АК-БУУРА ШААР КАЛДЫГЫ
АК-БУУРА ШААР КАЛДЫГЫ – б. з. 1–2‑кылымдарына таандык археологиялык эстелик. Ак‑Буура суусунун сол өйүзүндө, Ош шаарынын түштүк четинде жайгашкан. Ак-Буура шаар калдыгы б. з. алгачкы кылымында Ош оазисин жортуулдардан коргоо үчүн курулган чеп болгон. Алгач А. Н. Бернштам (1941), кийин Б. Аманбаева 20‑кылымдын 90‑жылдарында изилдешип, Ош шаарынын тарыхы жана маданиятына тиешелүү ар кандай буюмдарды табышкан.
Д.Ф. Винник.