АК-БУУРА-ТУРУК КАПЧЫГАЙЫ – Алай кырка тоосунун түн. капталындагы шаңшаар (каньон) сымал кууш капчыгай. Ак‑Буура (Турук) суусунун багыты б‑ча түштүктөн түндүккө (Кызыл‑Чарба ж‑а Алчалы кыш‑нын аралыгында) 40–45 кмге созулат. Таманынын жазы жери 2–2,5 км, кууш жери 500–700 м, деңиз деңг. орт. бийикт. 1900–2000 м. Капчыгай палеозойдун кумдук, акиташ теги, сланец ж‑а гранит, гранит‑диорит интрузия тоо тектерин суу жеп кетүүдөн пайда болгон. Капчыгай аркылуу Чал-Куйрук өрөөнү тарапка автомобиль жолу өтөт. Таманында бадалдуу токой өсөт.