АК-БУЛАК - Ак-Суу районундагы кыштак
АК-БУЛАК– Ысык‑Көл облусунун Ак‑Суу районундагы кыштак. Ак‑Булуң айыл аймагына караштуу. Ысык‑Көл ойдуңунун чыгышында, Тескей Ала‑Тоонун этегинде, Түргөн суусунун (Жыргалаңдын оң куймасы) боюнда деңиз деңгээлинен 2130 м бийиктикте жайгашкан. Райондун борбору Каракол шаарынан 33 км чыгыш тарапта. Балыкчы темир жол бекетинен 257 км. 1924‑ж. отурукташкан. Калкы 1919 (2009); негизинен мал чарбасында, картөшкө өстүрүүдө эмгектенет. Орто мектеп, клуб бар.