АЙТЫКЕ
АЙТЫКЕ (болжол м‑н 1816, Жумгал өрөөнү, Суусамыр жайлоосу – 1887) – акын, кыргыздын улуу муундагы классик акындарынын бири. Замандаштары Балык, Музооке, Арстанбек, Солтобай, Эсенаман м‑н бирге чыккан. Айтыкенин ырчылыгын Токтогул жогору баалаган. КР УИАнын Манас таануу жана көркөм маданияттын улуттук борборунун Кол жазмалар фондунда «Балык менен Айтыкенин айтышынын» бир нече варианты сакталып турат.