АЙ ЖАНА ПЛАНЕТАЛАРДЫН ЖАСАЛМА ЖАНДООЧУЛАРЫ
АЙ ЖАНА ПЛАНЕТАЛАРДЫН ЖАСАЛМА ЖАНДООЧУЛАРЫ – Ай жана планеталардын атмосферасын, бетин жана жалпы түзүлүшүн, ошондой эле аларга жакын космос мейкиндигин изилдөө үчүн илимий-изилдөө максатында учурулган космос аппарат-
тары. Жерден кийинки биринчи жасалма жандооч чыгарылган асман телолорунун бири – Ай. Айдын биринчи жасалма жандоочусу – «Луна‑10» автоматтык станциясы 1966‑жылы 31‑мартта учурулган. Ал маалымат берүү мезгилинде Айды 460 жолу айланган. 1971‑жылы Марс менен Жердин улуу тогошуу мезгилинде советтик эки космос зонду «Марс‑2» (19‑майда), «Марс‑3» (28‑майда) жана америкалык космос зонду «Маринер‑9» (31‑майда) учурулган. Айга 1980‑жылга чейин 14 жасалма жандоочусу жеткирилген. Башка планеталардын орбитасына да ар кайсы өлкөлөрдөн жасалма жандоочулар учурулган.