АЗРАКИТТЕР
– харижиттердин эң катаал ж‑а келишпес секталарынын бири. Ага Нафи ибн аль Азрек (685‑ж. курман болгон) негиз салган. 7‑к‑дын экинчи жарымында халифатта харижиттердин көтөрүлүшү тез‑тез болуп турган, алардын айрымдары (мис., Ирак м‑н Иранда) ондогон жылдарга созулган. Алар кулдарды боштондукка чыгаруучулар ж‑а эзүүдөгүлөрдү коргоочу катарында чыгышкан. А‑дин көтөрүлүшү 697‑ж. талкаланган.
М. Абдылдаев.