АБДРАХМАНОВА Симийла
Симийла (1944-ж. т., Чүй обл, Чүй р-ну, Кегети айылы) — педагог, КРдин эмг. сиң. мугалими (1995), КРдин эл мугалими (2001). Кыргыз кыз-келиндер пед. ин-тунун муз. ф-тин бүтүргөн (1967). Калинин р-нундагы Эркин-Сай орто мектебинде музыка мугалими (1967), башталгыч класстын мугалими (1976). Мектеп окуучуларына башталгыч билим берүүнүн дасыккан устаты болуу м-н агартуу системасына кызмат өтөгөн. Бир нече конкурстардын («көргөзмөлүү сабак» д. у. с.) женүүчүсү.
