АЙНЕК КУМУ
АЙНЕК КУМУ – айнек чыгарууга пайдалануучу кварцтуу кум. Айнек кумунун таза сортторунда кремнийдин кош кычкылы Si02 99,5‑99,9% ке жетет. Айнек кумунда кремнийден башка алюминий, кальций, магний, калий жана натрийдин кычкылдары да болот. Эгер айнек кумунда темир менен хромдун кычкылдары жана органикалык заттардын кошундулары болсо, тунук айнек жасоого зыянын тийгизет. Айнек чыгарууда кварцтуу кумдун 0,2‑0,5 мм өлчөмдөгү бүртүкчөлөрү 85‑90% болушу зарыл. Кыргызстанда Сөгөтту кварц куму кени менен Сулукту кварц куму кени айнек кумунун ири кендерине кирет.