АЙДАРОВ Ташпай
АЙДАРОВ Ташпай [1919, Россия империясы, Фергана (азыркы Жалал‑Абад) облусу, Наманган уезди (азыркы Чаткал району), Чаткал өрөөнү – 15. 01. 2010, Кыргызстан, Жалал‑Абад облусу, Чаткал району, Каныш‑Кыя кыштагы] – малчы, Социалисттик Эмгектин Баатыры (1971). 1932‑жылдан Чаткал районундагы «Победа» колхозунда колхозчу, баш чабан, 1958-жылдан «Чаткал» совхозунун (азыркы «Каныш‑Кыя») баш чабаны.
Койдун санын көбөйтүүдө жогорку ийгиликтерге жетишип, 1970‑жылы ар жүз тубар койдон 140тан козу алып, чыгашасыз асыраган, ар койдон 4,2 кг жүн кыркып алган. 1975‑1980‑жылдары Кыргыз ССР Жогорку Советинин депутаты. Эки Ленин ордени менен сыйланган.