АЖАЛ ӨРӨӨНҮ

АЖАЛ ӨРӨӨНҮ (Death Valley) – Чоң бассейн­дин түштүк бөлүгүндө жайгашкан тоо аралык ой­дуң. Мохаве чөлүндө (АКШ). Узундугу 250 кмдей. Түндүк Американын эң чуңкур (деңиз деңгээлинен 86 м төмөн жайгашкан) жери, суусуз ойдуң. Батыш жарым шардагы эң ысык жер; анда абанын температурасы 56,7°Сге чейин ысыйт. 1849‑жылы алтын издөөчүлөр тобу суудан өксүп каза табышынан улам ушундайча аталган.