АБИДОВ Абдыкадыр Омарович

АБИДОВ Абдыкадыр Омарович (1965-ж. т., Ош облусу, Кара-Суу району Төлөйкөн кыштагы) – техника илимдеринин доктору (2003). 1990-ж. ФПИни бүткөн. Эмгек жолун Ош технология университетинде окутуучу болуп баштаган. КР УИАнын машина куруу институтунда инженер, кенже илимий, улук илимий, жетектөөчү илимий кызматкер болуп иштеген. КРдин инженердик академиясында башкы окумуштуу, Ош технология университетинде институттун директору, кафедра башчысы, ректор. Абидов 60 илимий эмгектин, анын ичинде 1 монография, 1 окуу китеби, 3 патенттин ээси.