АБДЫЛДАЕВ Турусбек Алдагандаевич

АБДЫЛДАЕВ Турусбек Алдагандаевич (1960-жылы туулган, Ысык-Көл облусу, Ак-Суу району, Каракол кыштагы) – онколог, медицина илимдеринин доктору (2002). КММИни (1983), СССР МИАнын Бүткүл союздук онкология илимий борборунун аспирантурасын (1988) бүтүргөн. РКОдо врач, КММАда ассистент, Кыргыз онкология жана радиология ИИИнин улук илимий кызматкери, бөлүм жетекчиси, КРСУнун профессору. 1987-жылдан КРдин Саламаттык сактоо министрлигинин ОИБнун химия-терапия бөлүмүнүн башчысы. Эмг.: Герминогенные опухоли яички. Б., 2001; Некоторые аспекты современной химиотерапии опухоли. Б., 2002.