ЖОЛБУН КӨЛ
ЖОЛБУН КӨЛ – жайык түздүктөрдө жайгашып, жылдан жылга орду, өлчөмү жана туздуулугу өзгөрүп туруучу туюк көл. Мындай көлдөрдүн болушунун негизги себептери: суусу мол жана аз жылдарда же мезгилдерде келген суулардын өтө өзгөрмөлүүлүгү; көлгө куйган суулардын шиленди тектерди көп агызып келүүсү. Жолбун көлдөр материктердин кургакчыл ички аймактарында кездешет, мисалы, Кытайдагы Лобнор көлү ага айкын далил.