КОҢГУРОО ГҮЛ

КОҢГУРОО ГҮЛ (Campanula) – өсүмдүктөрдүн коңгуроо гүлдүүлөр тукумундагы уруусу. Бир, эки ж-а көп жылдык чөп же чала бадал. Гүлү коңгуроо сымал, түсү көк, кызгылт көк, ак ж. б.

Коңгуроо гүл: 1 – жазы жалбырактуу коңгуроо гүл; 2 – көп жылдык коңгуроо гүл; 3 – кыз­ылт-көк гүлдүү коңгу­роо гүл.

300гө жакын түрү белгилүү, Кыргызстанда 7 түрү кез­дешет. Бөксө, бийик тоолордо, боздоңдо, шал­баада, тескей беттердин таш арасында өсөт. Уругу, тамыры аркылуу көбөйөт. Кыргызстанда коңгуроо гүлдүн жазында гүлдөөчү бир ж-а эки жылды­гы, жайында гүлдөөчү көп жылдык түрү гүлзарда кооздук үчүн өстүрүлөт.