КУДАЙБЕРГЕНОВ Төрөбай Тургунбекович
КУДАЙБЕРГЕНОВ Төрөбай Тургунбекович (8. 3. 1948-жылы туулган, Талас облусу, Кара-Буура району, Бакайыр айылы) – химия илимдеринин кандидаты (1985), проф. (2001), КРдин Илим жана техника боюнча мамлекеттик сыйлыгынын лауреаты (2000). КМУну (1972), Кыргыз ССР ИАнын Орг.аникалык эмес жана физикалык химия институтунун аспирантурасын (1976) бүтүргөн. 1966–67-ж. орто мектепте жана 1972–76-ж. КМУда мугалим, 1976–80-ж. КРдин УИАнын Органикалык эмес жана физикалык химия институтунда кенже илимий кызматкер, КАУда ассистент, улук окутуучу, доцент,1996-жылдан кафедра башчысы, 2004–09-жылы институттун директору. 2009-жылдан кафедра башчы, химия, химиялык технология жана химияны окутуу ыкмасы баюнча адис. «Ордо» оюну боюнча КРдин эмггек сиңирген машыктыргычы. КРдин «Ордо» федерациясынын президенти. 90дон ашык илимий эмгеги, анын ичинде 1 монография, 8 окуу китеби бар.
Эмг.: Электроэрозионный синтез карбидных соединений металлов подгруппы хрома. Ф., 1989; Химия боюнча лекциялар жыйнагы. Ф., 1991; Жалпы химия жана элементтердин химиясы. Б., 1994; Жалпы химия (авторлош). Б., 1998. Физколлоиддик химия. Б.,2004, Жалпы химия. Б., 2007.