КУБАТТУУЛУК
КУБАТТУУЛУК – аткарылган жумуштун ошол жумушту аткарууга кеткен убакытка болгон катышы менен ченелүүчү физикалык чоңдук; системанын энергиялык мүнөздөмөсү. Эгер жумуш бир калыпта аткарылса, анда кубаттуулук N= A/t формуласы менен берилип, мында A – жумуш, t – жумуш аткарылган убакыт секунда менен, N – К. К. бирдиктер системасында ватт (Вт) менен өлчөнөт. 1 Вт= 1 Дж/1 сек. 1 секда 1 Дж жумуш аткарылса 1 Втка барабар. Техникада ат күчү (а. к.) бирдиги колдонулат.