КРЕВЕТКАЛАР
КРЕВЕТКАЛАР (Natantia) – он буттуу рактар түркүмчөсү. Узундугу 2–30 см, курсак жагы булчуңдуу келип, башы м-н көкүрөгүнөн узун. Көпчүлүгүнүн биринчи эки жуп бутунда кыпчуурлары болот. Эки ача курсак буту сүзүүгө жардам берет. Биринчи же экинчи жуп буттары ургаачысында жумуртка алып жүрүүгө, эркегинде копуляция органы ката-
ры кызмат аткарат. Алардын 2000ге жакын түрү бар. Туздуу, тузсуз суулардын түбүндө жашап, планктон м-н азыктанат. Тереңдикте жашагандарынын кээ бири жарык чыгарууга жөндөмдүү, айрымдары кубулуп, түсүн өзгөртөт. Алардын көбү атайын кармалып, тамакка пайдаланылат.