КРАН 1
КРАН (голл. krааn),– 1) суюктук же газ агымын өткөрүү үчүн көзөнөктүү илмек тетигинин кыймылдуу бөлүгү. К-ды жапканда, ал өзүнүн огунда айланып агымдын, багытына тик абалды ээлейт. К. негизги эки тетиктен – кыймылсыз – корпустан жана айлануучу – тыгындан турат; 2) машинисттин краны – поезддин (трамвайдын) автоматтык токтоткучун башкаруучу түзүлүш. Ал локомотивдин кабинасындагы башкы аба резервуарын токтоткуч аба магистралы менен туташтыруучу түтүккө орнотулат.