«КЫРГЫЗСТАН» БАСМАСЫ

«КЫРГЫЗСТАН» БАСМАСЫ – Кыргызстандын мамлекеттик, коомдук-саясий, социалдык-экономикалык, өндү­рүштүк-техникалык жана көркөм адабият басмасы. 1926 -жылы. Кыргыз автоном обл-нын аткомунун чечими б-ча «Кыргызмамбас» (Кыргызстан мамл. бас­масы) деген ат менен уюшулган, ошол жылы бас­ма 65 миң нускада 26 китеп жана китепче чыгар­ган. Басмадан В. И. Лениндин төрт эмгеги кыр­гыз тилине которулуп чыгарылган. «К.» б. аде­генде Элге билим берүү министрлигинин обл. бөлүмүнө, кийин Кыргыз Эл агартуу комисса­риатына, андан соң Кыргыз ССР ЭКСке баш ий­ген. 1945 -жылдан Кыргыз ССР Министрлер Сове­тинин Полиграфия жана басма б-ча башкарма­лыгына, 1964 -жылдан Кыргыз ССР Министрлер Советинин Басма б-ча мамл. к-тине, 1968 -жыл­дан Кыргыз ССР Мад-т министрлигинин Поли­графия жана басма башкармалыгына, 1972 -жыл­дан Кыргыз ССР Министрлер Советинин Мам­басмакомуна караган. 1964 -жылы. «Кыргызстан»

басмасы аталган. 1926–75 -жылы. 157,7 млн нуска­да 24 242 китеп жана китепче чыгарылган. Мын­дай көрсөткүч 1991 -жылы. чейин улам өсүп турган. Басманын 8 редакциясы: коомдук-саясий ад-т, экон. ад-ттар, ил.-популярдуу жана өндүрүштүк тех. ад-ттар, көркөм котормо, иск-во ад-ттары жана заказ алуу редакциясы болгон. «К.» б. Эл достугу ордени менен сыйланган. Кийин «Акыл» акционердик коомуна айланып, 2006 -жылы. чейин иштеген.