КЫРГЫЗСТАН КОМПОЗИТОРЛОР СОЮЗУ
КЫРГЫЗСТАН КОМПОЗИТОРЛОР СОЮЗУ –
композиторлор м-н музыка таануучуларды бириктирген ыктыярдуу коомдук чыгармачыл
уюм. 1939-ж. уюшулган. Негизги милдети – элибиздин муз. мад-тынын ар тараптан өсүшүнө көмөк көрсөтүү м-н анын терең идеалдуулугуна ж-а көркөмдүгүнө көз салуу, муз. кадрларды
чыг-лык жактан тарбиялап, алардын профессионалдык чеберчилигинин өсүшүнө жардам көрсөтүү. К. к. с-нун иш-аракеттери композиторлордун жаңы чыгармаларына талкуу уюштуруп, аны угуучуларга жайылтууга, эмгекчилер м-н чыг-лык жолугушууларды өткөрүп, элди эстетикалык жактан тарбиялоого багытталган.
Союздун жогорку жетекчи органы – съезд. Аткаруучу органы – башкарма, ал жылына 1–2
жолу пленум өткөрүп, өзүнүн курамына пленум аралыгында чыг-лык ж-а практикалык ишти жетектөөчү секретариатты шайлайт. К. к. с-нун
өткөн съезддери: 1-съезди – 1948-ж. октябрда, 10-съезди – 2004-ж. июнда өткөн. К. к. с-нун Башкармасынын төрагалары – А. Малдыбаев,
М. Абдраев, К. Молдобасанов, С. Осмонов, С. Субаналиев, К. Асанбаев 2009-жылдан Т. Чокиев.