КӨК-ЖАҢГАК ЧОПО КЕНИ

КӨК-ЖАҢГАК ЧОПО КЕНИ Жалал-Абад обл-нун Сузак районунда, Курган-Таш суусунун оң жээгинде, Көк-Жаңгак т. ж. бекетинен 0,6 км түндүктө, кыш з-дунун жанында, деңиз деңг. 1310–1368 м бийикте. 1953-ж. чалгындалган.
Кендин уз. 1200 м, туурасы 400–500 мге жетип, түн.-батыштан түш.-чыгышка созулуп жатат. Кен аймагы төртүнчүлүк мезгилинде пайда бол­гон кумайлуу чоподон түзүлгөн. Анын калың­дыгы 11,7 мден 58,0 мге чейин өзгөрөт. Технол. изилдөөнүн негизинде кумайлуу чоподон «100», «125» маркасындагы кыш алына турган­дыгы аныкталган. Баланстагы запасы А кате­гориясы б-ча 305 миң м³, В – 476 миң м³, С – 960 миң м³.