КОЧКОР ГНЕЙС КЕНИ

КОЧКОР ГНЕЙС КЕНИ Нарын обл-нун Кочкор р-нунда, Балыкчы ш-нан 45 км түш.-батыш тарапта, Кара-Коо тоосунун түн. капталында­гы Кыргоо сайында. 1972-ж. геол. иштер жүргү­зүлгөн. Кен аймагын протерозойдун аягында пайда болгон акиташ, сланец ж-а гнейс тоо тек­тери түзөт. Жука катмарчалуу, темгилдүү гнейс кооз таш катары курулушка жарактуу. Мын­дай гнейстер 3 га аянтты ээлеп, алардан чык­кан блоктордун өлчөмү 0,10x0,2 смден ашпайт. Запасы 300 миң м³. Темгилдүү гнейстердин не­гизги массасы (60%) кызгылт боз түстө болуп, эллипс, көзчө, линза формасындагы кызгылт, ак темгилдерден турат ж-а 1,5 га аянтты ээлейт. Блоктордун орт. өлчөмү 0,2 м³ден ашпайт. Оңой кесилип, жакшы сайкалданат. Запасы 125 миң м³. Гнейстерден кооз буюмдарды, дубалдарды кооздоп каптоочу такталарды жасоого болот.