КОНДИТЕР ӨНДҮРҮШҮ
КОНДИ́ТЕР ӨНДҮРҮШҮ – курамында кант басымдуу болгон жогорку калориялуу тамак-аш азыктарын өндүрүүчү өнөр жай тармагы. Ага канттан ж-а ундан иштелип чыккан кондитердик азыктар кирет. Бул топтор өзүнө карамель, конфет, шоколад, мармелад, вафли, печенье, крекер, ж. б-ны камтыйт. К. ө. өтө динамикалуу өнүгүп келе жаткан өндүрүш тармагы болуп саналат. Акыркы жылдары кондитер азыктарды колдонуу киши башына 8,5 кгдан 10 кгга чейин өскөн. Кыргызстанда «Таттуу», «Куликов», «Ширин» ж. б. кондитердик ишканалар бар.