КУЭНКА
КУЭ́НКА – Экватордун түштүгүндөгү шаар. Асуай провинциясынын адм. борбору. Анд тоо аралык өрөөнүндө, деңиз деңг. 2600 м бийиктикте
жайгашкан. Калкы 323,0 миң (2009); калкынын саны б-ча өлкөдөгү 3-шаар. Шаар аркылуу. Панамерика шоссеси өтөт. Аэропорту бар. Соборлор, чиркөөлөр, монастырлар ж. б. сакталган. Шаардын тарыхый бөлүгү Бүткүл дүйнөлүк мурастын тизмесине киргизилген. Тамак-аш, текстиль ө. ж. ишканалары иштейт. Кустардык кол өнөрчүлүгү (чий калпак, карапа жана зер буюмдар) өнүккөн. Ун-ттер, консерватория, китепканалар, музейлер бар. Шаар 1557-ж. негизделген.