КУМА

КУМА́ – Түн. Кавказдагы дарыя. Уз. 802 км, алабынын аянты 33,5 миң км². Аскалуу кырка тоосунан башталат; тоодон чыккандан кийин Каспий бою ойдуңунда Каспий деңизине жетпей салааларга бөлүнүп кетет. Негизги куймасы – Подкумок (оң). Суусунун орт. чыгымы ортонку агымында 10,9 м³/сек. К-нын суусу өтө киргилдиги менен айырмаланат. Сугатка пайдаланылат (Терек-Кума жана Кума-Маныч каналдары). К-да Отказненский суу сактагычы бар. Боюнда Минеральные Воды, Зеленокумск, Будёновск ш. жайгашкан.