КОГЕЗИЯ
КОГЕ́ЗИЯ (лат. cohaesus – байланышкан) – бир тектүү заттардын (суюк же катуу) бөлүкчөлөрүнүн жармашуусу. Ал заттагы бөлүкчөлөрдүн (атомдор, иондор) ортосундагы химиялык байланыш ж-а молекула аралык өз ара аракеттениши м-н шартталат. Бөлүкчөлөрдүн өз ара тартылыш күчтөрү берилген заттын физикалык, физика-химиялык, механикалык касиеттерин (заттын агрегаттык абалын, бууланышын, эришин ж. б.) аныктайт.