КЕРЕЙ ТИТАН КЕНИ
КЕРЕЙ ТИТА́Н КЕНИ Жалал-Абад облусунун Ноокен районунда, Жалал-Абад шаарынан 70–80 км түндүк-батыш тарапта, Бабаш-Ата кырка тоосунун түштүк капталында. 1949-жылы изилденген. Кен аймагын силур м-н девондун чөкмө тектери ж-а аны жиреп чыккан ультранегиздүү интрузия түзөт. Кенташ габбро-диабаз штогунда жайгашкан. Ал майда, чачыранды сепкил түрүндөгү ильменит минералынан турат. Кошунду түрдө марганец, ванадий, жез минералдары кездешет. Кендеги титандын кондициялык өлчөмү 3,44%ке чейин.