КЕРЕЖ
КЕРЕ́Ж – Ирандын түндүгүндөгү шаар. Тегеран останында. Тегерандын шаар-спутниги. Кереж дарыясынын боюнда, Эльбурс тоосунун этегинде жайгашкан. Калкы 1,5 млн (2008). Тегеран м-н темир ж-а автомобиль магистралдары аркылуу байланышат. Б. з. ч. 3-кылымдын аягынан белгилүү. Орто кылымдын кербен-сарайы, шаардын четинде Мехршахр маданий комплекси (Морварид ак сарайы м-н) сакталган. Ядролук изилдөөлөр институту, жаратылыш ресурстар илим-изилдөө борбору, айыл чарба университети бар. Машина куруу ж-а металл иштетүү (ракета техникасы ж-а газ өндүрүшү ж. б.), химия (суперфосфат ж. б.), жеңил (текстиль, булгаары-бут кийим) ж-а тамак-аш өнөр жай, курулуш материалдар өндүрүшү ж-а шаарга жакын жерде жеңил автомобиль ж-а автобустарды кураштыруучу завод иштейт.