ЖУМАБАЕВ Ташмамат
ЖУМАБАЕВ Ташмамат [24. 08. 1924, СССР, РСФСР, Түркстан АССРи, Фергана облусу, Ош уезди, Ош шаары – 09. 01. 1995, Кыргыз Республикасы, Ош облусу, Ош шаары) – Советтер Союзунун Баатыры (1943). Харьков артиллериялык окуу жайын (1945), Ташкент жалпы аскердик окуу жайын (1964) бүткөн. 1942-жылы ок-
тябрдан Советтик Армияда. Улуу Ата Мекендик согушта 685- аткычтар полкунда (193-аткычтар дивизиясы, 65-армия, Борбордук фронт) бөлүмдүн командири болуп кызмат өтөйт. Ал Днепрден өтүүдө ж-а анын батыш жээгиндеги плацдармды ээлөөдө зор эрдик көрсөткөн. Согуштан кийин Кыргызстандагы райондук аскер комиссариаттарында жетекчилик кызматтарда иштеген. Ленин, 1-даражадагы Ата Мекендик согуш ордендери ж-а медалдар м-н сыйланган.
Ад.: Ташмамат – Днепрдин баатыры // Санников В., Семенков В. Родинанын даңкы үчүн. Ф., 1970.