КЫЗЫЛ-УРААН
КЫЗЫЛ-УРААН – Жалал-Абад обл-нун Токтогул р-нундагы кыштак. Үч-Терек айыл округуна караштуу. Тартуулук суусунун боюнда, деңиз деңг. 1395 м бийикте жайгашкан. Райондун борбору Токтогул шаарчасынан 55 км түн.-чыгыш тарапта. Таш-Көмүр т. ж. бекетинен 150 км. Кыштак 1927-ж. негизделген. Калкы 2683 (2009); негизинен дыйкан чарбаларында эмгектенет. Эки орто мектеп, китепкана, айылдык амбулатория, почта бөлүмү, мечит бар. Тегирмендер, соода түйүндөрү иштейт.