КҮН КҮРКҮРӨӨ
КҮН КҮРКҮРӨӨ – атм-да чагылганды коштоп чыккан добуш. Чагылган жолунда басым ж-а темп-ра өтө тездик м-н жогорулап, абанын термелишинен күркүрөө пайда болот. Узакка чейин жаңырык болуп, ал адатта 15–20 км аралыкка чейин угулат. Чагылгандын огу узун болгондуктан, анан ар кайсы бөлүгүндөгү үн кишиге бир убакта жетпейт, о. эле үндүн булуттан чагылышынан К. к-нүн жаңырыгы бир топко созулат, үндүн добушу да түрдүүчө болот.