КОЖОМЖАРОВ
КОЖОМЖАРОВ Чоро (7. 11. 1942, Нарын облусу, Ак-Талаа району, Учкун айылы – 13. 4. 1981, Фрунзе) – туңгуч кыргыз эстрада ансамблинин уюштуруучусу жана көркөм жетекчиси. Кыргыз ССРинин эмг.ек сиңирген артисти (1974).
М. Күрөңкөев атындагы музыкалык окуу жайын бүткөндөн (1958) кийин, К. Орозов атындагы эл аспаптар оркестринде солист-музыкант болгон. Комузда классикалык күүлөрдү черткен, комузчулар ансамблинин курамында Атайдын, Ниязаалынын, Айдараалынын күүлөрүн чертип аткарган. 1967-жылы С. Жумалиев, Б. Эгембердиев (комуз), О. Усубалиев (электр домбра), А. Тезекбаев (аккордеон), Ю. Черкасов (бас гитара), К. Мамасалиев (урма аспап), А. Момунгазиев (куудул) сыяктуу музыканттардан эстрадалык топту уюштурган. Т. Кожомжаров эстрада ансамбли үчүн обончулардын ырларын иштеп чыккан.
Анын «Биз тынчтыкты сүйөбүз», «Ашыгы келер кез болсо», «Кызганамын» жана башка ырлары белгилүү. Ансамбль СССРдин курамындагы республикаларда, Канада, Сирия, Алжир, Моңголия жана башка өлкөлөрдө гастролдо болгон. Медалдар менен сыйланган.